नुवाकोटमा कोरोना संक्रमित ८ सय ३३ पुगे

नुवाकोट । नुवाकोटमा कोरोना संक्रमितको संख्या ८ सय ३३ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा २ जना कोरोना संक्रमित थपिएसँगै जिल्लामा कोरोना संक्रमितको संख्या ८ सय ३३ पुगेको छ ।

कार्यालयका सुचना अधिकारी उत्तमराज खनालका अनुसार जिल्लामा पछिल्लो २४ घण्टामा सुर्यगढी र दुप्चेश्वर गाउँपालिकाका एक÷एक जनामा कोरोना भाइरसका संक्रमित भेटिएका हुन् । यस्तै पछिल्लो २४ घण्टमा जिल्लाका २ जना कोरोना संक्रमित कोरोनामुत्त भएर घर फर्किएका छन् । यससँगै नुवाकोटमा कोरोनामुत्त हुनेको संख्या ६ सय २ पुगेको छ ।

हालसम्म नुवाकोटका ७ हजार ६ सय ३ जनाको पिसिआर परिक्षण गरिएको छ भने एक जनाको कोरोनाको कारण ज्यान गएको छ ।