नुवाकोटमा सक्रिय कोरोना संक्रमितको संख्या ३ सय ४८ पुग्यो

नुवाकोट । नुवाकोटमा सक्रिय कोरोना संक्रमितको संख्या ३ सय ४८ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाको विदुर नगरपालिकाका एक महिलामा कोरोना भाइरसको संक्रमण देखिएसँगै जिल्लामा सक्रिय कोरोना संक्रमितको संख्या ३ सय ४८ पुगेको हो । यससँगै नुवाकोटमा कोरोना संक्रमितको संख्या ४ सय ७४ पुगेको छ ।

कार्यालयका सुचना अधिकारी उत्तमराज खनालका अनुसार संक्रमितमध्ये ४ सय १० परुष र एकसय ६४ जना महिला रहेका छन् । पछिल्लो २४ घण्टामा जिल्लाका ६३ जनाको स्वाब संकलन गरिएको उनले बताए । नुवाकोटका २ सय २३ जना कोरोना संक्रमित कोरोनामुत्त भएर घर फर्किएका छन् । जसमा एकसय ७१ पुरुष र ५२ महिला रहेको कार्यालयका सुचना अधिकारी उत्तमराज खनालले जानकारी दिए । यस्तै कोरोना भाइरसको कारण नुवाकोटमा एक जनाले ज्यान गुमाएका छन् ।

हालसम्म नुवाकोटका ६ हजार ४ सय ७६ जनाको पिसिआर परिक्षण गरिएको छ ।