लिखुको चौघडा पुर्ण रुपमा सिल (फोटो फिचर)

नुवाकोट । नुवाकोटमा पछिल्लो समय कोरोना संक्रमितको संख्या दिनानुदिन बढ्दै गएको छ ।

जिल्लामा हालसम्म ७७ जना कोरोना संक्रमित रहेको स्वास्थ्य कार्यालय नुवाकोटले जनाएको छ । त्यसमध्ये ६३ जना निको भएर घर फर्किसकेका छन् । जिल्लागत रुपमा संक्रमितको आधारमा नुवाकोट देशभर ५५ औ स्थानमा रहेको छ । देशको राजधानी काठमाण्डौमा कोरोना संक्रमितको संख्या बढेसँगै पछिल्ला समय नुवाकोट पनि डेन्जर जोनमा परेको छ ।

राजधानीसँग सिमान जोडिएका नुवाकोटको ककनी गाउँपालिका, बेलकोटगढी नगरपालिका, शिपवुरी गाउँपालिका, पन्चकन्या गाउँपालिका र लिखु गाउँपालिका अझै बढी उच्च जोखिममा परेका छन् । जिल्लाका आधिकांश स्थानमा जिल्ला प्रशासन कार्यालयले निषेधाज्ञा घोषणा गरेको छ ।

लिखु गाउँपालिका वडा नम्म्बर ४ का एक स्वास्थ्यकर्मीमा कोरोना संक्रमण देखिएसँगै लिखु ४ चौघडा सिल गरिएको छ । चौघडा क्षेत्र सिल गरिएसँगै अहिले सो क्षेत्र सुनसान बनेको छ । चौघडा प्रवेश गर्ने विभिन्न नाका सिल गरिएको छ । संभावित जोखिमलाई व्यवस्थापन गर्न लिखु गाउँपालिकाले उच्च सावधानी अपनाएको लिखु गाउँपालिकाको कार्यालयले जनाएको छ ।