नुवाकोटको म्यागङका दुई युवा कोरोना निको भएर घर फर्किए

विदुर । नुवाकोटको म्यागङ गाउँपालिकाका दुई युवा कोरोना निको भएर घर फर्किएका छन ।

त्रिशुली अस्पतालको आइसोलेसन वार्डमा रहेका उनीहरुको पुन ः पिसिआर चेकजाँच गर्दा कोरोना नेगेटिभ देखिएको र स्वास्थ्य अवस्था सामान्य देखिएपछि डिस्चार्ज गर्न लागिएको स्वास्थ्य कार्यालय नुवाकोटले जनाएको छ । उनीहरु नुवाकोटमा कोरोना देखिएका दोस्रो र तेस्रो व्यत्ति हुन् ।

स्वास्थ्य कार्यालयका अनुसार हालसम्म नुवाकोटमा १० जना कोरोना संक्रमित भेटिएका छन । म्यागङका दुईसहित ३ जना निको भएर घर फर्किसकेका छन ।