वडाअध्यक्ष हुन् त पन्चकन्या गाउँपालिकाका धुव्र मिश्रजस्तो

विदुर । विश्वभर कोरोना भाइरसको संक्रमण फैलिएपछि सरकारले यहि चैत ११ गते देशभर लकडाउनको घोषणा गर्यो । त्यसपछि जिल्ला सुरक्षा समिति नुवाकोटले पनि जिल्लाभित्र निषेधाज्ञा जारी गर्यो । त्यसपछि नुवाकोटका सर्वसाधारण मात्रै हैन जनप्रतिनिधि पनि घरभित्र सुरक्षित बसिरहेका छन भने कुनै जनप्रतिनिधि ५ किलो चामल र एउटा साबुन दिएर राहात वितरण गरेको भन्दै फोटो प्रर्दशनीमा उत्रिएका छन ।

तर यति वेला नुवाकोटको पन्चकन्या गाउँपालिका वडा नम्बर २ का वडाअध्यक्ष धु्रव्र मिश्रको भने अहिलेको दिनचर्या भने वडावासीको घरदैलोमा पुगेर सेवा दिँदै वितिरहेको छ । वडाअध्यक्ष मिश्रसँगै उनकी श्रमिती कमला अर्याल कबिलास,गुठिथोक, पाठकथोक,मिश्रथोक, कालिकास्थान र मठभन्ज्याङ्ममा जनताको निशुल्क सेवामा खटिएको भेटिने गरेका छन ।
कृषि र पशुका प्राविधिक समेत रहेका वडाअध्यक्ष मिश्रलाई स्वास्थ्य प्राविधिक रहेकी उनकी श्रीमति कमलाले पनि साथ दिइरहेकी छिन । वडाअध्यक्ष मिश्रले कृषि र भेटेनेरीकोतर्फ निशुल्क चेकजाँच गर्दा श्रीमती कमला भने मानिसहरुको स्वास्थ्य परिक्षणमा व्यस्त हुने गरेकी छिन ।

वडा नम्बर २ मा रहेका सबै घरघरमा पुगेर मानिस र पशुहरुको स्वास्थ्य परिक्षण गरेर लकडाउनको सदुपयोग गरेको वडाअध्यक्ष मिश्रले विदुर खबरलाई बताए । चेकजाँचको क्रममा कसैको अवस्था प्रतिकृल पाइएमा औषधी समेत निशुल्क वितरण गर्ने यनले जानकारी दिए । उनले सबै वडाको घरघरमा पुगेर काम गर्दा नभ्याएमा कषि प्राविधिक रहेकी छोरीले समेत साथ दिने उनले बताए ।

लकडाउनका कारण घरवाहिर निस्कन नसकेका अवस्थामा औषधीविहन भइरहेकाहरुका लागि समेत मिश्र दम्पति निशुल्क औषधी वितरण गर्दै हिँडिरहेका छन भने तरकारीका वियविजन समेत वितरण गर्दै हिँडिरहेका छन । यसअघि पनि किसानसँग वडाअध्यक्ष कार्यक्रम संचालन गरेका मिश्रले किसानको घरदैलोमा पुगेरै विषादी छर्कने पम्पहरुको कर्मम गरेर जनताको मन जितेका थिए ।

५ किलोको राहात बाँड्दै हिँड्दै एकदर्जन फोटो खिच्ने जनप्रतिनिधिले उनीसँग सिक्ने कि ।