नुवाकोट गोल्डकपको आयव्यय कति ? होटलहरुमा करिब १७ लाख भन्दा बढी तिर्न बाँकी

डेढ वर्ष बित्दासमेत आयव्यय सार्वजनिक भएन

नुवाकोट । जिल्ला खेलकुद विकास समिति नुवाकोट र नुवाकोट जिल्ला फुटवल संघले संयुत्त रुपमा आयोजना गरेको नुवाकोट गोल्डकपको आयव्यय झन्डै डेढ वर्ष बित्दासमेत अझै सार्वजनिक हुन सकेको छैन ।

२०७५ साल जेठ १७ गतेदेखि २६ गतेसम्म भएको प्रथम नुवाकोट गोल्डकप र यहि जेठ २२ गतेदेखि ३१ गतेसम्म संचालन भएको प्रतियोगिताको हिसाबकिताब अझै सार्वजनिक हुन नसक्दा पछिल्लो समय जिल्ला खेलकुद विकास समिति र नुवाकोट फुटवल संघ आलोतिच बन्न पुगेको छ ।

आखिर कति भयो गोल्डकपको आम्दानी ?

नुवाकोट फुटवल संघ स्रोतले जनाए अनुसार पहिलो गोल्डकपमा आयोजकले टिकट बिक्रीबाट १२ लाख ८५ हजार रुपैयाँ उठाएको छ । तर प्रतियोगिताका संयोजक रहेका जिल्ला खेलकुद विकास समितिका अध्यक्ष बुद्धिबहादुर प्रधान गोल्डकपको आम्दानी कति भयो भन्ने विषयमा आफै बेखबर रहेको बताउँछन । त्यस्तै आर्थिक समितिका संयोजक समेत रहेका नुवाकोट फुटवल संघका अध्यक्ष दिपक चित्रकारलाई आम्दानीबारे प्रश्न गर्दा जिल्ला खेलकुद विकास समितिका संयोजकलाई सोध्न भनेर पन्छिने गरेका छन । त्यस्तै एन्फाका केन्द्रिय सदस्य पुर्णमान चित्रकार पनि सोही गरि पन्छने गरेका छन ।

तर नुवाकोट गोल्डकपको खातामा भने जिल्ला खेलकुद विकास समितिका अध्यक्ष प्रधान, एन्फाका केन्द्रिय सदस्य पुर्णमान चित्रकार र नुवाकोट फुटवल संघका अध्यक्ष दिपक चित्रकारको हस्ताक्षर चल्ने गरेको छ । आफ्नो खातामा जम्मा भएको रकम र निकालिएकोे रकमको बारेमा उनीहरु नै बेखबर बन्नु आफैमा रहस्य छ । यस विषयले गोल्डकपको हिसाबकिताब कसले संचालन ग¥यो भन्ने प्रश्न समेत उब्जिएको छ ।

http://bidurkhabar.com/archives/7785

पहिलो गोल्डकपमा दर्शकका लागि बनाइएको प्याराफिट दोस्रो गोल्डकपमा आएर दुई गुना बढी बनाइएको थियो । जस अनुसार पहिलो गोल्डकपमा टिकट बिक्रीबापत १२ लाख ८५ हजार रुपैयाँ टिकट बिक्रीबाट आएपनि दोस्रो गोल्डकपमा आएर टिकट बिक्रीबाट जम्मा ७ लाख मात्र आएको आयोजकको स्रोतले बतायो । तर दोस्रो गोल्डकप विवादित बनेपनि दर्शकहरुको मैदानमा बाक्लै उपस्थिति रहेको थियो ।

होटलहरुमा करिब १७ लाख भन्दा बढी तिर्न बाँकी

प्रतियोगिताको अवधिभर बट्टारका विभिन्न होटलमा खेलाडी र पाहुना राखेबापत करिव १७ लाख रुपैयाँभन्दा बढी तिर्न बाँकी रहेको होटल संचालकहरुले बताएका छन । विदुर खबरलाई प्राप्त जानकारी अनुसार नुवाकोट ११ का फुटवल प्रशिक्षक समेत रहेका देवनारायण चित्रकारको होटलमा पहिलो गोल्डकपको ६ लाख रुपैयाँ सहित १०, होटल रन्जितको ४ लाख रुपैयाँ, होटल स्क्वायर र सन्ध्या होटल एक÷एक लाख रुपैयाँ , दियालो गेस्ट हाउसको ७० हजार रुपैयाँ र मैदानसैग रहेको माईलादाईको रेष्टुरेन्टको गरि १७ लाख रुपैयाँभन्दा बढी रहेको नुवाकोट होटल तथा रेष्टुरेन्ट व्यवसायी संघले जनाएको छ ।

http://bidurkhabar.com/archives/7612

त्यस्तै मैदानमा काम गर्नै कामदारहरु माईला कुमाल र श्याम कुमालको समेत अझै पारिश्रमिक नदिएको उनीहरुले बताएका छन । पारिश्रमिक माग्दा सधै छैन भन्ने जवाफ आउने गरेको छ, माईला कुमालले भने । त्यस्तै मैदानमा रङरोगन गरेको समेत पैसा समेत आयोजकले नदिएको बताइएको छ ।