प्रधानमन्त्रीको प्रश्न– देशले थाहा नपाउने जन्ममिति कस्तो जन्ममिति ?

काठमाडौं । प्रधानमन्त्री केपी शर्मा ओलीले देशले थाहा नपाउने कस्तो जन्ममिति भनेर पदमुक्त प्रधानन्याधीश गोपाल पराजुलीको जन्मितिको बारेमा टिप्पणी गरेका छन् ।

प्रधानन्याधीश पराजुलीलाई न्याय परिषद सचिवालयले आज अपरान्ह अवकाश भइसकेको जानकारी गराएपछि ओलीले यस्तो टिप्पणी गरेका हुन् ।

ओलीले भने, “प्रधानन्याधीस र प्रधानन्याधीसको रोल क्रममा भएको अवस्थामा कतिलाई लाग्दो हो प्रधानमन्त्री नबोल्दिए हुन्थ्यो । तर, नबोलर के गर्नु न्यायालय धकधकी उम्लिरहेको छ । अब के बोल्नु ? के नबोल्नु ? बोलेर के हुने ? बेन्च बसेको छैन । न्याय पाउँ भन्ने मान्छेहरु पुर्पुरोमा हात राखेर फर्किराखेका छन् । देशमा 5 र 6 भन्ने चलन छ । प्रधानमन्त्री, राष्ट्रपति उपराष्ट्रपति, सभामुख, उपसभामुख र राष्ट्रियसभाका अध्यक्ष, यी कहिले कहिले जन्मेको हो भन्ने नै देशलाई नै थाहा छैन । देशले थाहा नपाउने प्रधानमन्त्री, प्रधानन्याधीस कहिले जन्मेको हो ? यो कुनै मल्ल युद्धको विषय हो ? कुस्ति खेल्ने विषय हो यो ? के भएको यो देशमा ? प्रमाणपत्र भनेको त जे साचो हो त्यसको प्रमाण दिइन्छ । एउटा प्रमाणपत्र अर्को प्रमाण पत्र के गरेको यो ? जे साचो हो त्यसको प्रमाण हुन्छ । तपाईं हामी यहाँ बसेको फोटो खिचिन्छ । त्यो साचो हो । बडो विचित्रको जीन्दगी, यस्तो विचित्रको जिन्दगी यस्तो ठाउँमा मान्छेले आफ्नो आस्था अड्याउन चाहन्छ । त्यस्तो ठाउँमा समस्या सह्य हुने छैन । कुनै पनि अपराधी, असामाजिक तत्वले समाजमा समस्या खडा गर्न खोज्ने, संविधान कानुनको वर्खिलाप गर्न खोज्ने त्यस्ता तत्वले यो पक्षले त्यो पक्षबाट फाइदा लिएर अगाडि जान्छु भन्ने नसोचे हुन्छ ।”