सिसडोलमा फोहोर फाल्न नदिने ककनी गाउँपालिका अध्यक्ष लामाको चेतावनी

नुवाकोट । नुवाकोटको ककनी गाउँपालिकाका अध्यक्ष मानबहादुर लामाले काठमाण्डौको फोहोर सिसडोलमा फाल्न नदिने चेतावनी दिएका छन ।

आईतबार प्रतिनिधिसभा, विकास तथा प्रविधि समितिले आयोजना गरेको राजधानीको फोहर व्यवस्थापनसम्बन्धी अन्तरक्रियामा उनले सो कुरा बताएका हुन । अध्यक्ष लामाले फोहरका कारण सिस्डोल क्षेत्रमा रोगको सङ्क्रमण फैलिएर गाई, भैँसी, बाख्रालगायत चौपाया मर्न थालेका, जमीनमा उब्जनी घटेको, मानिसमा अनेकथरी स्वास्थ्य समस्या आउन थालेका गुनासो गरेका थिए ।

अध्यक्ष लामाले दुई वर्षलाई भनी सिस्डोलमा १४ वर्षदेखि फोहर फाल्दासमेत राम्रो व्यवस्थापन नभएको, फोहरको पहिराले सडक अवरुद्ध भई आवागमनमै समस्या भएकाले छिटो खोल्न सरोकार निकायको ध्यानाकर्षण समेत गरेका छन । गाउँपालिका अध्यक्ष लामाले सिस्डोलवासीलाई दिँदै आएको क्षतिपूर्ति वर्षौँदेखि नपाएकाले दशैँ अगावै दिन समेत आग्रह गरे ।